رحلة كسب و 48 ساعة بدون نوم وغياب النيو لوك ( قريبا مع الصور )

    شاطر
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف Dr.MaLeK في الإثنين مايو 03, 2010 2:52 am

    Hi Hi Hi Hi Hi Hi Hi Hi Hi

    متل ما بتعرفو يا أعضائنا قررت الهيئة الادارية تعمل رحلة تانية هالفصل واختارت جبل كسب مكان هالرحلة

    طبعا هالرحلة مرت بمصاعب كتيرررررررة وما كانت ميسرة زيادة

    أول شي بسبب وقتها يلي كان قريب من المذاكرات العملية

    وتاني سبب تأخرت الهيئة لتعلن عن هالرحلة وهالشي ماخلى فرصة لكتير ناس حابة تطلع انو تقنع اهليهم

    او يجهزوا حالهم

    هادا بالنسبة لموعد الرحلة

    غير المشاكل يلي صارت بطلعة الباص يلي سمعت طرطيش حكي عنها انو الباص ما كان بدو يطلع

    واشيا كتيرة بالاتفاق بين الشركة والهيئة الادارية انو صار غير المتفقين عليه

    المهم الحمد لله اخر شي طلع الباص


    _____________________________________________________________________________________

    هلا هون ما بقدر احكي شو صار لاني ماكنت موجود ومن الردود بيحكولنا الناس يلي طلعو من
    أول الرحلة شو صار

    ___________________________________________________________________________________

    بالنسبة لشلة النيو لوك كانو على اساس يلتحقو بالرحلة من حلب

    لانو كان لازم يحضرو حفلة عرس اخو زملينا علاء وهاب

    انشا الله عقبال ما نحضر حفلات اعراس اعضاء هالمنتدى الحلوين

    بس لظروف مرض كتكو وتشي غيفارا يلي اضطر يقعد عندو ما طلع بالرحلة غير تلات شباب من هالشلة

    وهم ميسي واسبيرانت ودكتور محمد


    _________________________________________________________________________________

    التحقنا بالرحلة الساعة 4 ونص الصبح عند دوار الموت بحلب

    وطلعت بهالباص يلي مابعرف من الأصل مين رح يكون فيه

    صح انو في نسبة كبيرة من الشباب ما كنت بعرفهم بس كمان لقيت كتير عالم بعرفهم

    وانبسطت بهالشي وخاصة انو كتير منهم من اعضاء المنتدى

    طبعا كان صرلنا نحن التلاتة من ال 8 الصبح من اليوم يلي قبل هاليوم فايقين يعني كنا منتهيين على الاخير من النعس

    وكان بس بدنا نريح شوي

    مع انو الباص كان مفلل وفي عالم كمان على الواقف

    والله في كذا شب مباشرة قامولنا لحتى ننام ونريح

    وكان وقتها الباص مطفي الكل ساكت ما بعرف بجوز تعبو من الغنى باول الرحلة

    فلما شفت هالوضع قلت على القليلة لازم نحرك شوي الوضع لنفوت بالجو مع الشباب

    وتركنا محلاتنا ورحنا لاخر الباص وغنينا شوي ليتحرك الباص بس كانو العالم تعبانين وعم يستنو شي استراحة ليرتاحو فيها

    وكانت هالاستراحة بأريحا لينزلو العالم وياكلو شعيبيات

    وبعدها طلعنا بالباص بعد ما ارتحنا شي 10 دقايق

    وكملنا باتجاه الاصاطل يلي كانت المحل يلي مقرر انو نفطر فيه






    Uploaded with ImageShack.us






    Uploaded with ImageShack.us






    Uploaded with ImageShack.us





    ونزلنا من الباص وفطرنا وبعدها طالع محمد الفتبول وصرنا نلعب فيها واشترك باللعب عدد منيح من الشباب يعني انبسطنا باللعب والجمعة

    وبعدها اجتمعنا كلنا بحلقة عند فرع نهر وصرنا نغني والشي يلي بضحك انو اكتر من طالب وقعو بهالفرع لانو كان في حجرة

    عم تتحرك وكل مايدوس عليها حدى مو منتبه تزحط من تحت رجلو لينزل بالمي

    المهم كانت الطبيعة حلوة بهالمنطقة وضلينا نغني ونرقص

    لحتى اجا باص فيه رحلة صبايا كأنهم بكلوريات من الساحل

    والشباب تبعوتنا هون طار عقلهم وحملو حالهم وراحو قعدو جنب ما هالصبايا قاعدين

    وبديت التلطيشات والمجاكرة والتنقير حتى انو كل ما يغنو هالصبايا غنية يروحو شبابنا ويغنو نفس الغنية بصوت اعلى

    هلأ اولها كانت حركة حلوة وفيها خفة دم بس بعدين صارت شوي تقل دم سر

    بعدين طلعنا لنروح على كسب

    وكان الطريق كتير حلو والمناظر فيه بتجنن وخيالية بمعنى الكلمة

    بس كمان كان صعب كتير وكلو طلوع قاسي

    وهالشي خلا كم شب ينزلو لنروح تمشاية مشان نخفف الحمل على الباص




    Uploaded with ImageShack.us



    بس اكيد التمشاية بهالمناطق مو خسارة

    ومرينا بغابات الفرلق مرور

    كنت حابب ننزل هنيك بس مابعرف كأنو كانت الغابات ضمن مخطط الرحلة كمرور مو كقعدة

    وبعدها كملنا باتجاه المطعم ( ميرفانا ) يلي كان صبحي متفق معو

    وكان المطعم حلو كتير و 5 نجوم واطلالتو حلوة

    اول ما وصلنا طلبنا وجبة الغدا وراحو الطلاب يتمشو حول المطعم ويتصوروا مع هالطبيعة الحلوة حوليه



    Uploaded with ImageShack.us






    Uploaded with ImageShack.us





    وبعد ما خلصنا اخد صور رحنا على المطعم وكانت المقبلات نازلة وقعدنا لنتغدا

    الأكل كان طيب كتير وغير شكل

    وبعد ماخلصنا اكل اشتغل الدي جي وبدي الدبك والرقص لبغداد وكانت الاجواء كتيررررررررررر بتجنن

    اغلب الطلاب شاركت بالدبك والرقص وانبسطنا كتيررررررررررر

    بعدين قرر صبحي انو نروح بسرفيس على ضيعة سمرا ( ضيعة ضايعة )




    Uploaded with ImageShack.us





    Uploaded with ImageShack.us




    وضلت الغنى والتصفيق شغال بالسرافيس لوصلنا لسمرا

    ونزلنا هنيك على البحر يلي كان منظرو حلو كتير وهو وسط الجبال والطبيعة الساحرة




    Uploaded with ImageShack.us




    Uploaded with ImageShack.us




    Uploaded with ImageShack.us


    وتصورنا هنيك غير انو كمان في كم شب نزلو سبحو بالبحر رغم انو الجو كان شوي برودة


    بس بتعرفو شبابنا شغل حماس وما حبو يفوتو فرصة انو اجو على اللادئية وما سبحو




    Uploaded with ImageShack.us


    بعدين ركبنا بهالسرفيس لنرجع على المطعم وكانت الاجواء حلوة وخاصة انو الطريق كان ضيق وكل سرفيس عم يحاول يدوبل السرفيس يلي قدامو بس طبعا سرفيسنا كان الاحسن بمساعدتنا Stupid

    لانو صرنا نقطع محارم ونرمي من الشبابيك وهالشي خلى شوفير السرفيس يل ورانا ما عاد يشوف قدامو

    هلأ صح هالحركة خطرة بس شو بدنا نعمل ما منحب حدى يدوبلنا أرغيلة أرغيلة أرغيلة

    وصلنا على المطعم وكان الباص عم يستنانا عندو لنرجع فيه على الدير

    بس طبعا ماخلينا يرجع قبل ما ياخدنا على كورنيش اللادئية

    ونزلو الطلاب وتمشو علي الكورنيش وقضو وقت حلو




    Uploaded with ImageShack.us


    بعدها ركبنا بالباص لنرجع على الدير

    ورغم التعب يلي كان مبين على الكل وخاصة انا ومحمد واسبيرانت اسمو كان صرلنا 48 ساعة مو نايمين

    كان الكل بدهم يغنو ويعملو اجواء فاجتمعنا بالباص وغنينا وهي تقريبا احلى مرة منرجع فيها من رحلة

    لانو بالعادة الرجعة منقضيها نوم

    بس هالمرة ضلت الاجواء حتى بالرجعة

    وبدو شوي شوي ينسحبو الطلاب من التعب هيك لنام الكل

    وماحسينا غير لما نزلنا باستراحة تدمر والمرة يلي بعدها لما وصلنا على دوار الرئيس بالدير


    بتمنى الكل يكون انبسط

    وطبعا رح نزل صور الرحلة

    ولو انها قليلة لانو ماهتمينا كتير بالتصوير بهالرحلة وفضلنا نعيش اللحظة وبس


    عدل سابقا من قبل Golden messi في السبت أكتوبر 02, 2010 9:03 am عدل 1 مرات
    avatar
    RORO CRUISE
    عضو فضي
    عضو فضي

    المزاج :
    عدد المشاركات : 1396
    العمر : 27

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف RORO CRUISE في الإثنين مايو 03, 2010 3:46 pm


    شكلها الرحلة كانت كتير حلوة

    تتهنو وانشالله يعيدها صبحي

    بس طبعا لما نخلص الفحص

    انا اكيدة انو اكتر شي بسطكن بهل رحلة

    هي باص البنات الساحل

    شو محظوظين

    والشباب يلي ما طلعو

    عوضن على ربن
    avatar
    dr.mu7ammad
    عضو فضي
    عضو فضي

    عدد المشاركات : 1464
    العمر : 31
    السنة : السادسة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف dr.mu7ammad في الإثنين مايو 03, 2010 6:48 pm

    بالفعل كانت رحلة أكتر من رائعة

    و ما راحت غير ع اللي ما راح
    avatar
    dr.sanfoura
    مشرفة عامّة
    مشرفة عامّة

    المزاج :
    عدد المشاركات : 9569
    العمر : 25
    السنة : ثالثة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف dr.sanfoura في الإثنين مايو 03, 2010 7:15 pm

    مشكووور كتيير ميسي ع التقرير

    عن جد ناقل الأحداث بطريقة كتيير حلوة

    حسيت حالي عم عيش الحدث

    بس شو بدك بالكلام الحكي مو متل الشوف حزين

    بس قصة المحارم كتيير عجبتني Hi

    وإن شاء الله تكونو انبسطتو بالرحلة وغيرتو جو


    وخيرها بغيرها إلنا حزين
    avatar
    joud
    عضو مميز
    عضو مميز

    المزاج :
    عدد المشاركات : 3878
    العمر : 25
    السنة : الثالثة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف joud في الثلاثاء مايو 04, 2010 4:43 pm

    باين الرحلة كلنت كتير حلوة

    بس ماشي السنة الجاية إذا الله خلانا طيبين ما راح ضيع و لا رحلة حتى لو كانت عالحزام الأخضر
    avatar
    i@m Online
    المدير العام
    المدير العام

    المزاج :
    عدد المشاركات : 7565
    العمر : 27
    السنة : الثالثة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف i@m Online في الثلاثاء مايو 04, 2010 11:21 pm

    اي و الله ذكرتني يا أبو الميس ...

    عن جد كانت بتجنن و من أحلى الرحل اللي طلعناها بالكلية

    وحرام تتفوت هيك رحلة

    وخصوصي لما اجا باص البنات ... يخرب بيتنا شو محظوظين

    مشاكس
    avatar
    dr.Hany
    عضو فعال
    عضو فعال

    عدد المشاركات : 467
    العمر : 30
    السنة : الرابعة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف dr.Hany في الأربعاء مايو 05, 2010 11:16 pm

    الموضوع طويل أنا سيفتو عندي ورح اقرا على مهلي
    بس انشالله تكون كل ايامكن بسط
    avatar
    dr.Hany
    عضو فعال
    عضو فعال

    عدد المشاركات : 467
    العمر : 30
    السنة : الرابعة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف dr.Hany في الجمعة مايو 07, 2010 12:39 am

    يا سيدي قريت كل الموضوع عنجد نيالكن شو هالحظ باص كامل كلو بنات يا سلاااااااام عنجد روعة
    لو أني عرفان هيك كنت أجلت سفرتي على حماه وطلعت معكن
    أنا حظي بقرف أخخخخخخخخخخخخخخخخخخخخخخخ
    لما بكون معكن ما بكون في بنات ولما بتكونوا لحالكن البنات بيجوكن باباصات
    هههههههههههههههههههههههههههههههههههههههههههه
    avatar
    Beebe
    عضو ذهبي
    عضو ذهبي

    عدد المشاركات : 2141
    العمر : 29
    السنة : سنة رابعة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف Beebe في الجمعة مايو 07, 2010 6:14 pm

    لك تضربو اي
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف Dr.MaLeK في الجمعة مايو 07, 2010 6:50 pm

    ههههههههههههههههههههههههههههههههههههههههههههههههه

    أبو اكرم يخرب بيت سنتك شو نسونجي

    بس عنجد انا ماعملت شي وضليت ساكت

    يعني معقولة خونك بغيابك


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    dr.Hany
    عضو فعال
    عضو فعال

    عدد المشاركات : 467
    العمر : 30
    السنة : الرابعة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف dr.Hany في الجمعة مايو 07, 2010 10:36 pm

    فكرت أنك أتخوني يا أبو أنس
    ههههههههههههههههههههههه
    بدنا نشوف حياتنا هبوش شبك
    ههههههههههههههههههههههههه
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: رحلة كسب و 48 ساعة بدون نوم وغياب النيو لوك ( قريبا مع الصور )

    مُساهمة من طرف Dr.MaLeK في السبت أكتوبر 02, 2010 9:17 am

    ضفت كم صورة عالتقرير تبع الرحلة

    صح مو كتار بس ماشي حالهم

    عالقليلة بتعطي فكرة عن المنطقة هنيك


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا




      الوقت/التاريخ الآن هو السبت نوفمبر 25, 2017 9:30 am