تعبت من هالقصة

    شاطر
    avatar
    dr.sanfoura
    مشرفة عامّة
    مشرفة عامّة

    المزاج :
    عدد المشاركات : 9569
    العمر : 25
    السنة : ثالثة

    تعبت من هالقصة

    مُساهمة من طرف dr.sanfoura في الخميس يوليو 29, 2010 4:30 pm

    مرحبا يا جماعة
    Hi Hi Hi

    بدي أحكي بنفس القصة
    قصة الموضوع الأدبي

    لأنو بنظري لسه ما خلصت في حق ولازم نقولو لو شو ما كان

    لو بدها تنحذف عضويتي على هالموضوع (مو سائلة )

    لا حدا يفهمها تهديد أو شي

    بس أنا ما قلت رأيي بنوب بهالقصة ولما رادو منا أنو نحكي بالدردشة

    فما دخلت إلا بعد ما كانت القصة خالصة

    مع أني الوقت اللي تركت فيه المنتدى كان من الساعة 1 بالليل

    لتاني نهار 3 العصر وكنت عم حاول اتصل

    بس مثل ما بتعرفو كان في نتائ التاسع وآخر شي لما علق معي

    النت

    كان الموضوع خالص وكنت تقريبا متل الأطرش بالزفة

    رح أحكي ويا ريت تقرو شو رح أكتب

    الأمر بدا من قصة مجنون شعر ما رح أحكي هديك القصة لأنو صارت قديمة

    بس خليني أحكي بشي اللي صار من 3 أو 4 أيام

    ومع ذكر أسماء

    كرم نزل بلعبة مين قدك المايك بيدك حكى عن أعضاء بينزلو كلام وخواطر مو إلهم

    وهوه مستعد يواجه بهالشي ويجيب أدلة

    وحملنا نحنا المشرفين هالمسؤولية لأنو ما عم ننتبه

    بعرف هلأ تقولو مانا بمنتدى أدبي

    أنا معكم وبقول هالجملة قبلكم وقلتها قبل بس كمان صار في كتيير

    أخذ وعطى بالمسألة وسوء تفاهم كبييييييير

    وتسميع كلام ونحنا قبل ما نكون بمنتدى طبي

    نحنا إخوة هون وهالكلام اللي صار مو مقبول (ع الأقل من جهتي أنا )

    خلينا نكمل قصتنا المهم بتجي لاميتا بعد بيوم

    بتنزل موضوع رادة فيه على كرم وأكييد نحنا منعرف مين كانت تقصد بموضوعها

    وإلها كل الحق ترد عليه

    بس كمان بهالحالة كرم لازم يرد وبترجع لاميتا ترد وما منخلص من هالسيرة

    لذلك ميسي قفل الموضوع

    بس بقفلة للموضوع كرم انزعج لأنو ما بين وجهة نظرو

    وحكى عن هالقصايد وهو من باب مصلحة المنتدى حكى هالكلام أكييد

    بصراحة وهادا كلام من عندي هالشي بيعتبروه سرقة وصاحب القصائد فيو يرفع دعوى

    أنا طلبت من كرم الدلائل والشي اللي يثبت صحة كلامو

    وعطانياه ومو قصدو أنو نزلها بالمنتدى بالعكس طلب مني عكس هالشي

    بس أنا بدي نزلها لوضح وجهة نظرو وأنو هوه كان بس بدو فرصة ليدافع عن حالو

    وهي الروابط وفيكون تحكمو

    موضوع أسطورتي الخالدة للاميتا بالزاوية الأدبية

    http://youth.lifeme.net/montada-f34/topic-t3173.htm

    مأخوذ من موضوع ... بعنوان .... رسائل حب الرسالة الثانية الثالثة ( ابن مصر)

    http://www.ebnmasr.net/forum/t39165.html

    بكائي في الخفاء بالزاوية الأدبية

    http://youth.lifeme.net/montada-f34/topic-t3676.htm

    مأخوذة من موضوع ...أفتقدك جدا ..

    http://www.iraqeyes.com/vb/showthread.php?p=3064792

    وقصيدة شوقي إليك سنفورة

    http://youth.lifeme.net/montada-f34/topic-t3430.htm

    مأخوذة من موضوع بعنوان .....رحماك يا قلبي .....

    http://www.4r4b.com/vb/showthread.php?t=8301

    فهادا الشي اللي كان حابب يحكي كرم

    وما كان حابب ينزلو بموضوع لأنو أكييد كنا رح نحذفو نحنا كرمال

    ما يصير كتييير جدل بهالقصة

    لاميتا نحنا منحبك كيف ما كنتي بتكتبي قصايد أو لأ

    وشو ما عملتي رح نسامحك

    بس كمان هالمحبة لازم ما تعمينا عن أنو كرم صار معو شوي ظلم بهالقصة

    لأنو بصراحة الكل اتهمو

    أنا ما عم وقف معو بس كمان عم حاول كون حيادية على قد ما بقدر

    لاميتا تذكري كيف كان يعلق كرم على قصائدك وتذكرو كيف كنت تتناقرو بالألعاب

    لاميتا كرم مو قصدو أنتي بالتحديد هو بس كان يريد للمنتدى الأحسن

    الروابط اللي نزلتها أنا هلأ بس لحتى نقول أنو لحد هون وبس

    مو قصدي أنو أجرحك بالعكس تماما

    أنتي فوق أنو أنا أجرحك

    فهميني لاميتا أنتي رفيقتي ووأنا أول وحدة تعرفتي عليه ع المنتدى

    بس كمان لازم قول الحق

    لأنو هالموضوع مارح ينتهي

    لسه كل ما دق الكوس بالجرة بيجي حدا يفتحلنا

    نفس الموضوع (وأنا أولهم بهالموضوع )

    لاميتا نحنا منحترمك ورح يستمر هالاحترام

    وأكبر دليل وقفة الأعضاء معك

    بعرف هالقصة كبرت وكبرت كتيييير كمان

    وأنا ما لازم أرجع أفتح الموضوع مرة تانية

    بس قلت لعدل كل شي ويتصلح كل شي

    وإذا بنطرد أنا بنطرد على شي يستاهل

    بالنهاية كلنا إخوة وكلنا لازم نتحمل أخطاء بعض

    ورسولنا الكريم صلى الله عليه وسلم قال :

    كل ابن آدم خطّاء

    يعني ما بيخطأ خطأ وخطأين

    هي صيغة مبالغة بيسموها مو هيك Stupid

    يعني ونحنا بشر

    الكل غلط بالمنتدى من دون ولا استثناء

    وأنا على راس القائمة بالغلطانين

    بس لازم نصلح أخطاءنا وما منوقف عندها

    بتصور الكل واعيين وفهمانيين

    لذلك خلونا نفتح صفحة جديدة وننسى كل شي صار

    لاميتا أنتي عيننا اليمين

    وكرم عيننا اليسار

    ونحنا ما منشوف غير بعيوننا التنين

    بتمنى وبتمنى وبتمنى وهي 3 مرات

    نتصالح ونرجع متل ما كنا

    مشان ربكم بلا مشاكل كمان

    هالموضوع نزلتو وهي رح أقفلو كمان

    ملاحظة ع الهامش :

    هالموضوع بيعبر عن رأيي ....

    كمشرفة (الله يعزكم )

    وهالموضوع نزلتو لوضح كم شغلة ونقفل القصة نهائيا ...

    وسووووري لأني رجعت فتحت القصة .....

    وبعتذر من لاميتا ومن كرم

    ومن ميسي وأون لاين

    ومن كل الأعضاء

    ولاميتا أنتي أختنا وكرم أخونا وهالشي اللي صار بينكم رح نعتبروه منتهي

    ولا كأنو صار

    كلامي هاد ما بدي حدا يرد عليه لأنو رح قفل الموضوع وكمان

    لا تروحو ولا على أي موضوع بالمنتدى لا شخص ببالك ولا شعور ولا ولا

    أي شي لأنو رح بعتبر القصة انتهت هون

    ويا ريت اللي يفكر يحذف هالموضوع أو ينقلوه

    يحذف عضويتي من هالمنتدى قبل ما يحذفوه

    وإذا كتييير حكتكون الماوس وإلا تحذفو الموضوع

    فياريت تأجلوه حذفوه شي 24 ساعة بس

    مو أكتر

    أقلها كرمال الأيام اللي قعدتها بهالمنتدى أجلوه حذفوه 24 ساعة

    سلااااااااااااام يا جماعة

    واسترو ما شفتو مني

    وسامحونااااااااااااا
    avatar
    i@m Online
    المدير العام
    المدير العام

    المزاج :
    عدد المشاركات : 7565
    العمر : 26
    السنة : الثالثة

    رد: تعبت من هالقصة

    مُساهمة من طرف i@m Online في الخميس يوليو 29, 2010 8:02 pm

    بدي منكم تفهمو شغلة زغيرة بس

    منتدانا هاد منتدى تابع للكلية ... مانو منتدى غايتو الربح وغير شي

    اهم شي بهالمنتدى هو الاخوة بين الاعضاء

    وكل راسمال المنتدى كلمتين حلوة بين الاعضاء

    المهم

    لاميتا نزلت قصايد (( مسروقين ))

    ونسبتها الها

    بهالطريقة هي ماغلطت بحق حدا بالمنتدى

    ولا حدا يقول انها غلطت بحق الادب العربي لأنو بكل بساطة راح قول

    للشخص الي راح يحكي هالشغلة بعدك زغيــــر كتير على هيك حكي

    اذا كان اي واحد فينا عندو الموهبة بكتابة قصيدة أو خاطرة

    فبتمنى مايتعدى بهيك موهبة حدودو و يصير بدو يعلم الناس شو تعمل و شو ماتعمل

    يعني بهالنتيجة بتكون لاميتا غلطت بحق الادب العربي بس

    بيجي كرم يكتب بعلبة المايك بطريقة استفزازية عن لاميتا

    ويوجه كلام اللي الو امبارح واليوم معنا بالمنتدى بيعرف انو موجه لـ لاميتا

    فاجت لاميتا وردت على حكيو ونقلنا الموضوع عـ الاشراف

    افهمو شغلة وحدة

    انا وميسي منشكل الادارة لهالمنتدى

    مابتذكر انو عينا حدا ليحاسب الناس بهالطريقة هي

    بتفهم بالادب على عيني وراسي بس لا تتعدى حدودك

    وتحط موهبتك هي الدافع

    بتهمك مصلحة الادب ... اغني القسم بكتاباتك

    منجي لنحل المشكلة بغرفة الدردشة ...

    بنتفاجأ بعضويات وهمية مسجلين

    من جماعة انا بعرف منيح مين هنن

    ويبلشو بالغلط ...

    هون بقى اسمحولي ... ديمقراطية المنتدى ماعادت نفعت

    بدي فهمكم نقطة زغيرة

    هالمنتدى الو قوانين لازم نحترمها

    لما بيجي صاحب القصايد و يقول انا بدي ارفع دعوى

    ساعتها هو بس اللي يقدر يحاسب لاميتا

    بس لاكرم ولا غيرو بسمحلو يجرح بأي عضو هون

    برجع بقول منتدانا رسامالو كلمتين حلوة بين الاعضاء

    معقول تتصرفو هيك تصرف و تخلو هالسيرة سيرة المنتدى بهالكم يوم

    خلص ماراح عيد وكرر

    اللي بدو يرد بالمعروف يرد

    واللي مابدو يتحفظ على ردو تجنبا للمشاكل

    وماحدا الو الحق بمحاسبة اي عضو

    مفهوم ولا لأ ... ؟؟؟
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: تعبت من هالقصة

    مُساهمة من طرف Dr.MaLeK في السبت يوليو 31, 2010 5:12 am

    طيب اوك سنفورة

    خدي ردي

    انتي بعتيلي رسالة انو كرم ما اخد حقو وطلبتي مني انو حاكيه بالشات

    وانا عملت متل ما قلتيلي وطلبت من كرم انو يحاكيني بالدردشة

    وقلتلو يا كرم

    البداية كانت من عندك وانت يلي جرحت بالمايك يعني لما ينقال انو في قصائد مسروقة يعني كأنو رجع ولع موضوع مجنون الشعر ضد لاميتا وأسأت لعضوة

    وقلتلو لو لاميتا كانت سارقتهم او لا هي شغلة بينها وبين ربها مالنا علاقة نحاسبها هون
    يعني لا بقدر احذف عضويتها ولا بقدر امنعها تنزل شي

    وقلتلو حتى لو نزلت الدلائل ما رح يتغير شي

    الموضوع تسكر على اساس لا انت معك الحق ولا مع لاميتا وانهولنا هالقصة طق قلب الاعضاء منها

    وقلي خلص ولايهمك رح سكر عالموضوع

    والظاهر انو ماتسكر على الموضوع ورجع حاكاكي وبعتلك الادلة على اساس انو انتي تنزليهم بحكم وضعك بالمنتدى

    طيب هلأ يا سنفورة بعد مانزلو شو المطلوب

    ارتحت يا كرم باشا

    وبرأيي استنو الجزء التاني من القصة والاخد والرد

    وهي رح اتركلك ياه لا رح احذفو ولا اقفلو مدام مارضيتي بتصرفي انا واون لاين


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    dr.Khaldoun
    المدير العام
    المدير العام

    المزاج :
    عدد المشاركات : 5340
    العمر : 126
    السنة : صرنا رابعة ... و يا ريتنا ما صرنا

    رد: تعبت من هالقصة

    مُساهمة من طرف dr.Khaldoun في السبت يوليو 31, 2010 7:45 am

    و أخيرااااااااااااااا لاقيت الموضوع مفتوح

    و هلأ صار فيني حط رأيي ( يللي ما رح يغير شي ، بس رح حطو )


    يا جماعة

    هون منتدانا منتدى طلاب طب بالغالبية العظمى

    يعني هدفنا الاول و الاخير هوي الفائدة الطبية لطلابنا اول شي ، و لباقي الناس تانيا

    يعني الواحد لما يفوت ع منتدى كلية طب ما رح يدور ع الشعر و الاسلاميات و الالعاب

    رح يدور ع المواضيع الطبية


    يعني شو ما نزل بالقسم الادبي هوي نشاط خارجي و تغيير جو لا اكتر ولا اقل

    و أنا شخصيا ( و اكتر من نص الاعضاء متلي ) ما منفوت ع القسم الادبي غير بالمناسبات

    لانو انا مو هدفي اقرا و احفظ قصايد

    انا هدفي استفيد بشي معلومة طبية ، اعرف شو عم يصير بكليتي ، و اقرالي شي نكتة ظريفة او خبر ظريف


    بعدين شو رح تستفيد البشرية اذا نزل قصيدة او نثر او خاطرة لاي حدا كان

    في 100000 شاعر بعصرنا الحديث ، بس التاريخ ما رح يحفظ اسم اكتر من 20


    أما اذا بتستفاد بمعلومة طبية صغيرة ممكن تأثر بحياة شخص ، او بمعنوياتو و نفسيتو


    بالاخير برد بقول

    هون مو منتدى ادبي ، و يللي بدو يدقق ع هيك مواضيع في شي 1000 منتدى ادبي بحت ، هنيك بيقدر ينزل مواضيعو و يسمع النقد و المدح من ناس شغلتون الادب

    هون منتدى طبي ، و اي شي بينزل بالقسم الادبي هوي لمجرد مشاركة الرأي و الخواطر ، و هوي حكي عام مو شغلتنا نحنا ننتقدو

    بدليل حاطينو بالمنتديات العامة


    تقبلو رأيي الخاص

    و يللي ما بيتقبلو ، فهي مشكلتو



    بالنسبة الك سنفورة

    يا ريت اللي يفكر يحذف هالموضوع أو ينقلوه

    يحذف
    عضويتي من هالمنتدى قبل ما يحذفوه


    و أخيراااااا اجتني الفرصة

    زائر
    زائر

    رد: تعبت من هالقصة

    مُساهمة من طرف زائر في السبت يوليو 31, 2010 7:58 am

    هاي
    يا جماعة انا القصة وقفت عندي هون
    وبظن ماعاد في شي مخبى
    وكلشي صار وواضح بتمنى هالقصة ماعاد تنفتح
    الدنيا جاية عرمضان اول عن اخر نحنا هون كلنا اخوات
    صحيح انو كرم جرحني
    وبنفس الوقت انا جرحتو
    يعني تنيناتنا ما قصرنا ببعض
    لان بالاساس الطريقة كلها كانت غلط
    بس هاد مو يعني انو انا وكرم صرنا اعداء
    بتمنى بقى نقضي رمضان بما إنو قرب بقلوب صافية
    لأن انا من جهتي القصة وقفت يعني لهون وبس


    وبدي اشكرك سنفورة
    avatar
    joud
    عضو مميز
    عضو مميز

    المزاج :
    عدد المشاركات : 3878
    العمر : 25
    السنة : الثالثة

    رد: تعبت من هالقصة

    مُساهمة من طرف joud في السبت يوليو 31, 2010 11:06 am

    الحمدالله أقدر أرد
    سنفورة إنت ما في متلك
    كل اللي يهم بالأخير ما حدا يزعل
    و نطلع من هالقصة صافي يا لبن
    وبس
    كلمتين مختصرتين
    avatar
    dr.sanfoura
    مشرفة عامّة
    مشرفة عامّة

    المزاج :
    عدد المشاركات : 9569
    العمر : 25
    السنة : ثالثة

    رد: تعبت من هالقصة

    مُساهمة من طرف dr.sanfoura في السبت يوليو 31, 2010 3:24 pm

    أون لاين وميسي وردة2

    تصرفكون على عيني وراسي

    ما أنتو الإذارة غمزة

    ولو أني خرقت الشي اللي قررتموه بتنزيل هالموضوع

    بتعذر منكم

    وفيكون تعملوه اللي بدكون ياه وأنا ما رح عارض أبدا

    كانو تشيلوني من الإشراف أو تحذفو عضويتي بنوب

    بس أنا كان قصدي بتنزيل الروابط لقول لأي حدا

    حابب يحكي عن لاميتا أنو نحنا منعرف بهالشي وقبلانين وما إلو علاقة

    ومشان كرم هوه ما طلب مني نزل الموضوع

    ورح يسكر السيرة وما عاد يحكي فيها أبدا أبدا

    وإنشاء الله بعد هالموضوع ما رح يكون في لاجزء تاني ولا جزء تالت

    لأنو المنتج بطل عندو مصاري

    شو شايفينا هون باب الحارة مشاكس

    أون لاين بدي أتشكرك لأنك ما حذفت الموضوع

    ميسي إلك شكر أكبر لأنك مو بس ما حذفت الموضوع

    وكمان فتحتو

    الله حيوووو الديمقراطية مبسوط

    أوف لاين وردة

    أنا معك بالكلام اللي قلتو وأنو هالمنتدى مو أدبي

    وكل واحد حر والموضوع ما كان مستاهل كل هالقد يكبر

    بس كان قصدي أنو نرجع إخوة وبلا كل هالمشاكل

    وهالشي اللي صار إنشاء الله يكون عدا على خير

    وبعدين كل هالشي قاعدة على قلبك أوف لاين مشاكس

    بعدين بس رووح مين اللي ينقللك مواضيعك المكررة ويرفعلك ضغطك مشاكس

    لاميتا وردة

    أنتي بالذات ما بعرف شو بدي قللك

    بتمنى تكوني فهمتيني

    وبعتذر منك على كتيير أشياء

    ورح نضل إخوة أكيييد وهالمنتدى رح يبقى ويبقى أحسن من ما كان

    وتعدي كل هالمشاكل

    وقدامنا شغل كتيير برمضان

    جهزي حالك لاميتا دكتور

    انبسطت كتييير بردك وردة

    جود وردة

    دخيل الكلمتين المختصرات أنا أيه غمزة

    بدي أشكرك جود كوشات كوشات

    لأنو بهالقصة ما حدا فشيت خلقي معو غيرك أنتي

    وسمعتيني وكان بدك تساعديني



    بالنهاية يا جماعة رح أرجع أحكي نفس الكلمة اللي حكيتها كتييير

    نحنا إخوة

    وبدي أعتذر من الكل

    من كل الأعضاء ...

    مشرفين وإداريين وأعضاء عاديين ....

    رجعت فتحت السيرة بس بتمنى أنها تكون انتهت على خير

    ومنتدانا أحلى منتدى بالدنيا كلها مجاكرة

      الوقت/التاريخ الآن هو الثلاثاء سبتمبر 26, 2017 3:50 am