لتفادي تكرار فترة هالفشل

    شاطر
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    لتفادي تكرار فترة هالفشل

    مُساهمة من طرف Dr.MaLeK في الخميس فبراير 03, 2011 12:13 pm

    مرحبا يا أعضاء

    بعد ما خلص وقت الجد تبع الامتحانات

    اجينا لوقت الجد بوضع المنتدى يلي الكل بيتمنى يوصل للقمة

    __________________________________________________________

    رح اعلن فتح باب الترشيح للإشراف للفصل التاني

    ورح تصير هالشغلة دائمة كل فصل في ترشيح جديد

    واسمو حكينا هلأ عن الإشراف رح احكي شو لازمنا للفترة الجاية

    1- عالقليلة بكل قسم من اقسام السنوات لازم يكون في

    أ -(مشرف للدعم الداخلي) ======== الدور يلي قامت فيه سنفورة بالفصل الماضي بأنو تحاول تنقل كل شي بخص سنتها عالمنتدى يعني بشكل أوضح يكون مسؤل عن موضوع يوميات طالب سنة ..... على نمط موضوع سنفورة يلي عجبتني فكرتو ورح نحاول نخلي في موضوع بنفس العنوان بكل قسم

    ب -( مشرف للدعم الخارجي او الطوارئ ) ====== هادا الدور بيشمل او ضروري يكون صاحبو نشيط كتير ويعمل المستحيل ليوصل القسم تبع سنتو للتميز متل انو يجيب اخبار جديدة او قرارات من هون او من هون او ينزل علامات بأسرع وقت او يجيب أسئلة دورات من غير كليات يعني يعرف دكتور المادة وين بدرس ويعرف من وين بتنجاب أسئلة دوراتو ويشوف بالمكتبة تبع كليتنا شو في شي جديد نزل لانو قررنا نفتح موضوع مثبت بكل قسم اسمو جديدنا بالمكتبة لحتى يعرفو الاعضاء شو نزلهم محاضرات جديدة

    وهالدور يفضل انو يكون صاحبو شب لانو صعب شوي عالبنات


    2- مشان ما يصير في مشرفين كتير هالمشرف تبع السنة بيقلنا عن اهتماماتو وهواياتو او الشي يلي بيقدر يبرز فيه

    مثلا انا بطبيعة الحال رياضي وبعرف شو عم يصير بطولات وبقدر غطيها لهيك بقدر نزل بشكل مستمر الجديد بهالقسم واعرف القديم وناقش بأي شي بينزل وهيك كل قسم

    يعني اذا استلم مشرف كل قسم من اقسام السنوات 3 اقسام او قسمين غير قسم سنتو بكون حقق المطلوب


    3- اهم شي يكون عند المشرف صبر وحس مسؤولية ويعرف انو مكانو هو خدمة طلاب كليتو مقابل كلمة شكر او بدون مقابل غالبا

    يعني لازم مايكون انفعالي لحتى ما يأثر تعليق كل عضو عليه ويعمل جو توتر بالمنتدى


    4- هلأ هالعمل رح يكون اثناء السنة وايام الامتحانات رح يكون مجرد نقل شغلات بسيطة يعني ما بتوقع يشغل الطالب لهلدرجة ويضيع وقتو وبعتبر تولي لهلشغلة رح يخليه على اتصال دائم بكل شي بصير بالكلية حتى يقدر يفيد قسمو


    5- المشرف يلي بشوف حالو انو صار أمر طارق ومو قدران يكمل ويعطي القسم حقو يخبر المدير لحتى يرشح غيرو وما يترك قسمو بدون مشرف


    6- وبعد ما قريتو شرح عام عن المهام يلي شايف حالو خرج يستلم الإشراف ينزل رد بهالموضوع ويكتب شو الاقسام يلي ممكن يستلمها والإدارة بتختار اذا في عضوين اختارو نفس القسم

    والترشيح من الكل حتى الإشراف الحالي يعني اعتبرو هلأ المنتدى بدون إشراف وبدنا مشرفين

    7- هي الشروط المثالية واكيد ممكن ما يلبي المشرف هالشغلات كلها بس مشرف يلبي معظم هالشغلات احسن من بدون إشراف

    لهيك بتمنى الكل يتعاون وشوف همة كبيرة لنرفع مستوى هالمنتدى

    __________________________________________________________________________________________________

    هي خلصنا من الإشراف

    هلأ رح احكي عن النكسة بحق منتدنا مشان عدم تنزيل العلامات يلي صار


    بالنسبة إلي كان خط السيرف عندي موقف ومو عرفان وضليت حاول اتصل وما يمشي الحال بدون ما اعرف السبب او الشركة المحترمة تبعتلي رسالة عن توقيف الخط

    لهيك بتمنى تعذروني لانو ماقدرت ساهم بتنزيل العلامات

    بس من ناحية تانية لازم انعذر لانو المواد يلي نزلت ولا مادة نزلت بيوم مادة لإلنا


    مادة الغدية تبعنا نزلت بيوم كان عند طلاب السنة التانية مادة لهيك كتوزيع نظامي كان لازم طلاب التانية مدام قدمو مادة

    يصورو العلامات يلي نازلة وينزلوها

    ومشان دفعة العلامات يلي نزلت يوم التلاتا

    متل ما بتعرفو ماعندي تلفون ارضي بالبيت لهيك صعب كون على تواصل مع إدارة الكلية لاعرف نزل شي علامات او لا

    وماعرفت انو نزلت هالعلامات إلا للساعة 8 المسا

    لهيك لنحل هالنقطة لازم يلي بدو يتولى هالمهمة يكون إلو اتصال بموظفين الكلية باستمرار لحتى اذا نزل شي يا يروح ينزلها او يخبر حدا يروح ينزلها عنو اذا ما كان فاضي وهلأ بعد ماخلصنا الامتحانات كل طالب من برا الدير رجع على محافظتو فلازم تكون الهمة بتنزيل العلامات من اهل الدير اسمو الكلية قريبة وهلأ ماضل في مواد تشغلهم

    _________________________________________________________________________________________________

    كنت حكيت قبل الامتحانات انو ياريت كل طالب يحاول يحفظ الأسئلة تبع مادتو لحتى تنزل دورات باسم هالمنتدى

    ويلي كتب الأسئلة يحاول بهالعطلة بوقت الفراغ انو يكتبها على ملف ورد لحتى نقدر ننزلها ونحط عليها رمز المنتدى

    عند مكتبة معن لانو متل ما اتفقنا رح تكون هي مكتبة الدورات لطلاب الطب

    __________________________________________________________________________________________________________

    الاقسام الطبية متل مو شايفين شغل طلاب السنوات ال 4 و5 قليل او معدوم فيها

    لهيك رح حاول اتكلف بكل هالمهمة وخاصة انو قربت صير سادسة وكل شي رح ادرسو رح اعمل عليه بحث عالنت ونزلو بقسم المادة

    ___________________________________________________________________________________________________________


    متل ما اتفقنا منتدانا لازم مايكون جامد والفعاليات المختلفة لازم تكون محركة للمنتدى متل رحلات و ندوات علمية وادبية و حفلات و فعاليات رسوم وتصوير ومسابقات متل هلأ اذا سمح راعي المسابقة الثقافية لجامعة الفرات انو تصير تصفيات بكل كلية فشي حلو انو نغطيها

    ______________________________________________________________________________________________________________

    في نقطة جديدة وكتير رح تكون مسلية وتحسس الطلاب انو اعضاء المنتدى فعالين بيناتهم و عم يلحقو الاخبار اول بأول

    اكيد متل مو شايفين هلأ بالمشاكل بمصر انو القناة يلي عم يكون عندها مراسلين فعالين اكتر هي عم تجذب المشاهد

    فليش لحتى مايكون عندنا مراسلين للمنتدى

    ممكن يعملو مقابلات مع العميد والإداريين تبع الكلية والطلاب الأوائل والطلاب الموهوبين بكل المجالات

    ونفتح قسم خاص بالمقابلات

    اكيد هالشي رح يعمل اجواء احلى

    ____________________________________________________________________________________________________________

    انا خلصت حكيي بس هالموضوع رح يكون قائم هالفترة حتة نعتمد عليه بعمل نقلة نوعية بهالفترة الصغيرة

    فأي حدا بدو يرشح حالو للإشراف او بدو يعلق على كلامي او ينزل أفكار جديدة لهلفترة

    يفيدنا برأيو بأسرع مايمكن لحتى نختصر الوقت


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    dr.sanfoura
    مشرفة عامّة
    مشرفة عامّة

    المزاج :
    عدد المشاركات : 9569
    العمر : 25
    السنة : ثالثة

    رد: لتفادي تكرار فترة هالفشل

    مُساهمة من طرف dr.sanfoura في الخميس فبراير 03, 2011 6:41 pm

    ممممممممم

    أول شي : نور المنتدى Hi

    ثاني شغلة : الإشراف أنا ما إلي علاقة بهالشغلة لأني من عامة الشعب ..

    وماني قد الإشراف مشاكس

    هلأ بجد عم أحكي إذا مو شايفيني قد الإشراف .. خلوني أترك

    بس لحالي أنا من هووون متمسكة بمنصبي خجول

    ثالث شي : ميسي بتنويل العلامات هالفصل ما كان في نكسة أبدا أبدا ..

    كانت العلامات تنزل بنفس اليوم اللي تنزل فيه بالكلية ..

    ويوم اللي نزلت الدفعة اللي فيها علامات التشريح والخلية والغدية والأدويةوالداخلية ...

    أنا نزلتها بنفس اليوم .. وكمان بيوم النسج نزلت الفيزيولوجيا وعملي الجراثيم وكمان نزلتها ..

    وكمان أون لاين نزلت علامات وكمان نزلها وبنفس اليوم ..

    اليوم الوحيد اللي ما نزلت فيه علامات هوه يوم الثلاثاء لأنو ماكان حدا منا بالكلية ..

    وهي كمان اليوم نزلت علامات وكلها الحمدالله نزلت ..

    ويعطي العافية لجوود وأون لاين ..

    فصدقني ما صارت لا نكسة ولا شي.. سر

    بالعكس تماما هالفصل أحســـن كليا من غير فصول بهالناحية ..

    وهلأ ما ضل غير النسج لسنتنا والثقافة والعربي للسنة الأولى وما بعرف يمكن كمان غير مواد .. بس إن شاء الله رح نحاول ننزلها أول ما تنزل .

    ممم مشان شغلة الدورات إن شاء الله مندبرها لأنو تقريبا كتبنا كل الأسئلة

    ما عدا الحيوية .. بس كمان الحيوية بتدبر مو هالمشكلة ..

    هي علقت على كم نقطة Stupid Stupid

    وإن شاء الله يكون هالمنتدى على أكثر حركة بالعطلة ..

    وأنا متفائلة بهالشي ..

    بس سؤال .. رح يكون في مسابقة أو لأ سؤال سؤال
    avatar
    joud
    عضو مميز
    عضو مميز

    المزاج :
    عدد المشاركات : 3878
    العمر : 25
    السنة : الثالثة

    رد: لتفادي تكرار فترة هالفشل

    مُساهمة من طرف joud في الخميس فبراير 03, 2011 7:55 pm

    بالنسبة لشغلة الإشراف
    يعني بتوقع من منظور الإدارة تطلع الشغلة أحلى
    يعني الشغلة بترجع إلكم(ميسي و أونلاين) بهذا الموضوع
    ******************************
    و شغلة العلامات يعني الأيام اللي نكون فيها بالكلية
    نزلت فيها العلامات
    يعني ما في إضافة على كلام سنفورة
    و بأيام العطلة أقدر أروح كل اليوم عالكلية
    وسيلة النقل موجودة
    بس أحياناً تصير مشكلة بتحميلها
    *****************************
    بالنسبة للأقسام الطبية فهي أكتر شي جامد
    ***************************
    و هذا الفصل و بالنسبة لسنتنا تقريباً كل شي جديد كان ينقل أول بأول
    و كمان بالسنة الثالثة و شوي بالرابغة
    و قسم السنة الأولى و الرابعة جامد
    *******************************
    بس ما يصير نسميها حالة فشل
    وين الفشل بالموضوع؟؟؟؟؟؟؟؟؟؟؟؟؟
    سؤال
    **************************
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: لتفادي تكرار فترة هالفشل

    مُساهمة من طرف Dr.MaLeK في الخميس فبراير 03, 2011 9:47 pm

    ؟؟؟؟؟؟؟؟؟؟؟؟؟؟؟؟؟

    معقولة نزلت بأول يوم وماعرفت

    لانو احمد بالمادة التانية قلي صورها ورح ينزلها

    فكرت انو ما كانت نازلة

    معناها ضلت بس اليوم يلي قبل المدة الاخيرة

    وهالقصة مو مشكلة لانو كل الطلاب جابوها تاني يوم اسمو عندهم مادة

    هلأ ضل من السنة الرابعة التوليد مانزلت

    اما الخامسة فكل المواد نزلت

    ________________________________________________________________________

    ومشان الشغل بالقسم تبع سنتكم كان كتير رائع

    بس قصدي على قسم سنتنا

    والسنة الاولى والرابعة

    رح اتولى كل شي عن سنتنا

    وحاول خلي طلاب الرابعة يتحركو شوي ولو انو هالشي صعب لانهم الاغلبية بالمنتدى القديم

    والسنة الأولى لساهم جدد والفصل الجاي رح حاكيهم من اول السنة لتحقيق هالشغلة

    بس ضل الاقسام وتحديد كل قسم مين يمسكو لانو اخر فترة ضاعت الطاسة

    بس مع هيك بدي من الكل يلي حابب يترشح يرشح حالو من جديد

    ماعدا سنفورة لانها مشرفة عامة

    لانو بهالشغلة بحب المبادرة من المشرفين لاعرف انو عندهم شي بدهم يضيفوه

    يعني متل انا لو ماعندي شي ضيفو هالفصل كنت تركت الادارة مباشرة

    بعتذر جود اذا كان تعبيري مو زابط

    بس دايما بحب حسس حالنا انو مقصرين لنقدم الافضل وتكون روح الحماس موجودة عند الكل


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    sara.psychitrist
    مراسة الفيس بوك
    مراسة الفيس بوك

    المزاج :
    عدد المشاركات : 1812
    العمر : 24

    رد: لتفادي تكرار فترة هالفشل

    مُساهمة من طرف sara.psychitrist في الجمعة فبراير 04, 2011 3:04 am

    بتوقع شغلة السنة الاولى الحق علي فيها الى حد ما
    وحكي ميسي اكتر من ممتاز
    وشغلة الاشراف فمابعرف ومن جهتي انا ممكن سلمو لحدا بيعرف بالقصة اكتر وسوري للجمود يلي صار بقسم السنة الاولى
    وشغلة الترشيح فانا بشوف انها كمان بترجع لميسي واونلاين وسنفورة


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    عذراً يا وطني الجريح... اضطررت لأن اشتري كفني لأنني لن أحيا ما دمت أنت الجريح.
    avatar
    i@m Online
    المدير العام
    المدير العام

    المزاج :
    عدد المشاركات : 7565
    العمر : 27
    السنة : الثالثة

    رد: لتفادي تكرار فترة هالفشل

    مُساهمة من طرف i@m Online في الجمعة فبراير 04, 2011 3:50 am


    انا معك ميسي بكل شي حكيتو

    بس سارة لاتحملي حالك الذنب كتير القصة ببساطة قسم السنة الاولى مو متل التانية و الثالثة

    يعني في تقصير من كل الدفعة ومافيكي تنشطي قسم كامل لحالك

    ــــــــــــــــــــــ

    منشان الاشراف بتصور أقسام السنوات واضحة مين كل سنة مشرف عليها

    السنة الأولى ... سارة

    السنة الثانية ... سنفورة

    السنة الثالثة ... أوفلاين

    السنة الرابعة ... هون مافي عنا كتير طلاب بهالقسم لهيك انا بقترح لو يستلمو أبو يزن شوي و ينظم الشغل فيه ولو شوي زغيرة بكون ممنونو

    السنة الخامسة ... ميسي

    السنة السادسة ... كمان صارو قلال اللي بيفوتو بهالقسم وبتصور اسبيرانت بيكفي ويوفي كونو مافي هالنشاط الكبير كتير

    ــــــــــــــــــــــ

    منشان العلامات كلنا عم نتساعد فيها

    انا وسنفورة وجود حاولنا ننزل العلامات عنا أول وبأول وكان في تقصير بكم مادة مو اكتر

    ولو كان النت شغال عندك ميسي كانت اكتملت المواد كلياتها وماكان غفلنا عن اي مادة

    ــــــــــــــــــــــ

    نجي للاشراف العام .. انا بقترح نحط أوفلاين مشرف عام ع المنتدى لأكتر من سبب

    أولا : سنفورة هلأ لحالها بالاشراف العام و منتدى كامل بيتحمل مسؤولية الاشراف فيه عضو واحد بس قصة صعبة كتير

    ثانيا : غياب تشي غيفارا اللي عم يصعب علينا القصة كتير وحتى لو رجع بهالفترة صعب كتير يرجع وعندو القدرة ليشرف على كل الأقسام بعد كل هالمواضيع اللي نزلت يعني أبسط الأمور واللي هي قصة المواضيع المكررة ماعاد يقدر يميز بيناتون بعد هالغيبة

    ثالثا : أوفلاين مطلع على كل قسم وكل مواضيع المنتدى وقادر انو يساعد سنفورة ويحمل عنها شوي كتف بنقل المواضيع المكررة وبالفترة الأخيرة نبهني على اكتر من موضوع لانقلو كونو مافي عندو صلاحيات ينقلو بنفسو

    رابعا : النت عند أوفلاين موفر 24 على 24 ايام الكلية و بالصيف الكل لاحظ نشاطو الكبير و دخولو المنتدى بقوة من خلال هالفترة

    يعني شخص بيحمل كا مواصفات المشرف العام المثالي ليش مابنكلفو بهالقصة

    ــــــــــــــــــــــ

    منشان قصة الأسئلة هون بيجي دور الطلاب الاوائل اللي عم يكتبوون وياريت نسمع رأيهم بالقصة بهالموضوع هاد

    ــــــــــــــــــــــ

    اشراف الأقسام راح يتم توزيعها بهالفترة على كل شخص كفو و عندو استعداد يتحمل هالمسؤولية

    وأكيد كل شخص مقصر بدو يعذرنا لأنو الكل بيعرف ومقدر انو القصة مافيها كرامات نهائيا

    ــــــــــــــــــــــ

    الاقسام الطبية بتصور شغل طلاب الخامسة اكتر من غيرون بهالفترة

    فياريت لو تعملو همة شوي عليها ميسي انت و الشباب

    ــــــــــــــــــــــ

    منشان الفعاليات ولا يهمك ميسي انشالله محضر كل فعالية و فعالية ولا أحلى انت بس روق علينا شوي

    ــــــــــــــــــــــ

    و آآآآخر شي .. بالنسبة للمقابلات مع الكادر التدريسي و الطلبة الأوائل بالكلية هالشي انا حاكيه لأبو خالد من فترة منيحة

    لهيك انشالله ع الفصل التاني راح نبدا فيه و رح حاول حاكي العميد بهالخصوص ليكون شغلنا بطابع رسمي

    وبس اخلص من هالقصة اكيد راح نزل شرح مفصل لهالنقطة

    ــــــــــــــــــــــ

    بعرف اني طولت حكي كتيـــر بس اكيد فترة حرجة وبتحتاج شوية تركيز وهمة من الاعضاء كلهم

    وهلأ يقدر اي حدا عندو تعليق ع الشي اللي حكيتو يتفضل
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: لتفادي تكرار فترة هالفشل

    مُساهمة من طرف Dr.MaLeK في الجمعة فبراير 04, 2011 4:11 am

    أنا برأيي يصير مشرفين على كل سنة

    يعني سارة وشي شب من السنة الأولى حتى لو ما اشغ زيادة هالفترة يعني مؤقت لحتى يثبت حالو او نلاقي بديلو بس يتفتحو طلاب السنة الأولى ويعرفو انو في حياة جامعية على منتدى الكلية مابتقل ابدا عن الحياة الجامعية بالكلية


    عالسنة التانية سنفورة وجود وكان اوف لاين عم يحكيلي على شب كتير مرتب وشغيل بالسنة التانيةوقت يقرر ييلتحق فينا اكيد الباب رح يكون مفتحلو على مصرعيه لتعزيز الإشراف كشب بالسنة التانية

    هلأ عالسنة التالتة ماسة و جنتل مان مدام أوف لاين رح يصير مشرف عام

    الرابعة بتوقع ما منها فائدة لانو الشغل مركز بالمنتدى القديم إلا اذا اجا شي عضو وحرق الأخضر واليابس لحتى يدعم هالقسم

    الخامسة رح كون مسؤول عنو وانشا الله ملاك تبل تساندني بهالقصة لانو صراحة غرت من طلاب التالتة وبدي خلي قسم سنتي احسن من قسم سنتهم بكتر مشاكس


    السادسة مو مهم حاليا


    ضل الاقسام الطبية رح اشتغل فيها ووعدكم رح تمتلى مواضيع طبية وشي روعة

    واذا صار شوية تفاعل من طلاب الخامسة ماشي الحال واذا ماصار مو كتير مهم


    اما الاقسام العامة فبدي كل واحد من المشرفين ينزل شو الاقسام يلي بيقدر يمسكها

    وبتمنى الخير للمنتدى بهالفترة يلي رح تكون انطلاقة جديدةلإلو ومتفائل كتير بهالروح الحلوة من مشرفين المنتدى


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    MASA
    عضو مميز
    عضو مميز

    المزاج :
    عدد المشاركات : 4420
    العمر : 27
    السنة : رابعة

    رد: لتفادي تكرار فترة هالفشل

    مُساهمة من طرف MASA في الجمعة فبراير 04, 2011 1:56 pm

    هالكلام كتير حلو

    بالنسبة للاشراف اكيد بيهمني بالدلرجة الاولى قسم سنتي الثالثة
    وانشالله ما يصير انقطاع ابدا ويطور قسمنا اكثر واكثر
    وجنتل مان شاطر وبالفترة الاخيرة كان الو دور كبير كتير
    بالنسبة للاقسام العامة هلأ ما بعرف
    بس مثلا قسم ميلودي انا ما كتير بهتم فيه
    بس الزاوية الادبية وكشكول والبرمجة اللغوية هي الاقسام كتير بتهمني
    وبتمنى كون مسؤلة عنها
    اما الفعاليات الي حكيتو عنها كتير حلوة
    ومستعدة ساعد فيها باي شي اذا بيطلع بايدي
    واكيد الامر راجع للادارة
    avatar
    dr.Khaldoun
    المدير العام
    المدير العام

    المزاج :
    عدد المشاركات : 5340
    العمر : 126
    السنة : صرنا رابعة ... و يا ريتنا ما صرنا

    رد: لتفادي تكرار فترة هالفشل

    مُساهمة من طرف dr.Khaldoun في الأحد فبراير 06, 2011 7:30 am


    مرحبا يا جماعة

    أول شي لا حدا يعتب عليي أبدا خلال هالعشرة أيام

    لأن بالدير عندي DSL

    أما بحمص مقدم أخي طلب من زمان و بانتظاري أعملو واسطة

    و شغلة أنو يا دوب عندي وقت فاضي هلأ

    بس انشالله أول ما برجع عالدير برجع تمام

    منجي عالحكي المفيد :

    منشان الاشراف تبع سنتنا :

    أنا بقترح مع ماسا نحط جنتل مان لعدة أسباب :
    الشب شاطر ( و هو الأهم )
    و مرتب
    و بيفهم بالمنتديات
    و عندو اطلاع واسع ع منتدى سيتامول بما يخص سنتنا

    و الكل شاف المواضيع اللي بينزلها جنتل مان أنها دوما حيوية ومفيدة لكل الطلاب

    غير هيك ، هوي بيضل فاتح نت يوميا و لمدة طويلة ( نيال سيريتل عليه )
    و ما بينزل تعليق أو رد بسنتنا غير و بيقراه

    لهيك بقترح أنو لسنتنا يكون الاشراف ل جنتل مان و ماسا

    و نحنا بين بعض منقسم مواد الفصل التاني ، بحيث يكون كل طالب إلو مادة ما بيكتب كلشي عنها بما فيها المحاضرات النازلة بالمكتبة و أهم ما حكاه الدكتور


    بالسنة التانية :

    أكيد شغل سنفورة أكتر من رائع ، و جود كمان شغلها حلو

    بس بتحس أنو باقي الأعضاء بس بيستفيدو بدون ما يفيدو

    يعني مافي أي معلومة بالسنة التانية و بكل المواضيع غير مصدرها سنفورة أو جود ( و شوي M.7.K‎)

    يعني المطلوب بس شوية نشاط من باقي الأعضاء تبعات السنة التانية

    أما السنة الأولى و السنة الرابعة : صفر عالشمال

    هالقسمين ميتين بالخالص

    السنة الرابعة مافي منها أمل

    بس السنة الأولى اللي مفروض يشاركو و يفوتو


    منشان الدورات

    جنتل مان و أنا كتبنا كل الدورات
    و بخياراتها

    و خلال هالكام يوم رح ينكتبو علكمبيوتر
    و رح حط عليون اسم المنتدى تبعنا متل سيتامول

    بس منشان المكتبة لسا لا تعتمدو ع مكتبة معن
    بجوز نشوف غيرها

    و النسخة اللي عالكمبيوتر رح نزلها هون عالمنتدى لما أكفل أنو مافي دكتور ممكن يقراها و يضربنا


    آخر شي

    نحنا بهمنا الكل يستفيدو

    بس يعني ما يكونو سلبيين كتير

    الواحد إذا لقى خطأ بشي موضوع مو يصلحو لوحدو و يمشي

    لأ ، يناقشنا و يصلحلنا ياه و نحنا كتير ممنونينلو

    و بس هيك

    سلااام


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    avatar
    MASA
    عضو مميز
    عضو مميز

    المزاج :
    عدد المشاركات : 4420
    العمر : 27
    السنة : رابعة

    رد: لتفادي تكرار فترة هالفشل

    مُساهمة من طرف MASA في الأحد فبراير 06, 2011 3:32 pm

    و نحنا بين بعض منقسم مواد الفصل التاني ، بحيث يكون كل طالب إلو مادة ما
    بيكتب كلشي عنها بما فيها المحاضرات النازلة بالمكتبة و أهم ما حكاه
    الدكتور

    هي الفكرة كتير حلوة وكان بدي اقترحها عليك اوف لاين وانشالله نتفق عليها مع بداية الفصل الثاني
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: لتفادي تكرار فترة هالفشل

    مُساهمة من طرف Dr.MaLeK في الإثنين فبراير 07, 2011 5:57 pm

    مشان المسابقة رح ترجع من بكرا الساعة 11 ونص كل يوم

    وسوري عالتأخير بس كان وضع النت مو مستقر وهلأ انشا الله وضعو رح يكون تمام


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    joud
    عضو مميز
    عضو مميز

    المزاج :
    عدد المشاركات : 3878
    العمر : 25
    السنة : الثالثة

    رد: لتفادي تكرار فترة هالفشل

    مُساهمة من طرف joud في الثلاثاء فبراير 08, 2011 8:20 am

    يعني اليوم في مسابقة زلغوطة زلغوطة زلغوطة
    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: لتفادي تكرار فترة هالفشل

    مُساهمة من طرف Dr.MaLeK في الأربعاء فبراير 09, 2011 7:20 pm

    سوري ماقدرت مبارح فوت لانو النت كان بأسي

    فانشا الله اليوم رح نبدا

    جهزولي حالكم


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا



    avatar
    Dr.MaLeK
    المدير العام
    المدير العام

    المزاج :
    عدد المشاركات : 9702
    العمر : 28
    السنة : خامسة
    المزاج : مبسوط بطلتكم الحلوة

    رد: لتفادي تكرار فترة هالفشل

    مُساهمة من طرف Dr.MaLeK في الأربعاء فبراير 09, 2011 11:02 pm

    رح تبدا المسابقة عال 12 لحتى تخلص مباراة الارجنتين والبرتغال


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ايــــــــــــــــــــــــــــــــــــــــــــــــــــــــــــــــــــــــــــــــــــد و حــــــــــــــــــــــــــــــــــــــــــــــــــــــــــــــــــــــــــــدة

    متى ما نبذنا الانانية وحرصنا على المصلحة العامة سنبني مجتمعا يشرفنا




      الوقت/التاريخ الآن هو الثلاثاء نوفمبر 21, 2017 1:00 am