روميو وجولييت ..... بنهاية سعيدة ....

    شاطر
    avatar
    AL-SooRI
    عضو نشيط
    عضو نشيط

    المزاج :
    عدد المشاركات : 277
    العمر : 25

    روميو وجولييت ..... بنهاية سعيدة ....

    مُساهمة من طرف AL-SooRI في الإثنين أكتوبر 10, 2011 9:56 pm

    روميو وجولييت .... بنهاية سعيدة ..
    قصة واقعية



    من يومين التقيت بشخص صارلي زمان ما شفتو ... ومن سيرة لسيرة سألتو شكون أخبار فلان ؟؟
    قاللي راح يصير عريس .... على قبالك ...
    - وإنتا حاضر ,,, ومن وين أخذ ؟؟
    - راح ياخذ فلانة ....
    هون صفنتو شوي وقلتولو تمزح ..... فلانة ما غيرها !!!!!
    قاللي إي وراحو أهلو حاكو اهلها وإن شا الله الأسبوع الجاي كتب الكتاب ...


    هدو شوي .... خجلان
    القصة أعمق من هيجذ .... القصة وما بيها إنو فلان وفلانة قبل شي عشر سنين ( أو أكثر ) صارحو بعضهم بالحب ...
    هو مؤدب ... محبوب من الكل ... هي مؤدبة ومدللة أهلها ...
    بس المشكلة كانت بأهلها وأهلو إلي كانت بيناتهم مشاكل ...
    كانوا يحبون بعض بشكل ... يمكن حبهم ما كان بس حرمان ...
    بس كان بعفوية وبراءة أطفال ....
    حبكة القصة بدت لما عرفوا أهلو وأهلها ..... وزادت

    هالشغلة الطين بلة ... قصدي مشان المشاكل بين العيلتين ...
    وصار كل واحد منهم حاط إبنو على هالجرخ وبهادل واللذي منو ...
    هو الولد المطيع إلي ما يقدر على غضب أبو وإمو حاول يقنع حالو إنو مالو نصيب بيها ...
    ما قدر يقنع حالو ... بس أهلو ما رضيو إلي لما قاللهم هالشي ...
    هي قلبها كان بين سيفين .. سيف الأهل ... وسيف سنين من الأحلام إلي انتهت نهاية حزينة وتقطع بينهاتهم أي سبيل يتواصلون بيه ...
    مرت الأيام ...
    هو ..... تزوج ...
    هي انخطبت وانكتب كتابها ...
    هو قال يمكن رب العالمين مو كاتبلي خير ونصيب بيها " فلانة إلي كان يحبها " .... رب العالمين وهبني غير انسانة ..
    هي ما قدرت تضل متعلقة بأمل انتهى .... هو تزوج ... ومستحيل يرجعلها ...
    بهذاك الوقت أظن هيجذ كان تفكيرهم ...
    ومرت السنين ...
    هو يمكن ما قدر يخلي هالمشاعر إلي حركت كل حياتو بفترة من الفترات إنها تختفي ... كان يشغل حالو بأي شي ... بس ما قدر ..
    هي تركها زوجها " قبل العرس " بعد ما شاف إنو عدها مرض عصبي ... وضلت ببيت أهلها ..
    صارت معاه مشاكل ... مع زوجتو إلي ما تحملت إنو يكون عدها بالبيت جسد .... وتكون روحو وقلبو بغير مكان ... وهالشي مع وجود طفلين بالبيت ...
    ما تحملو .... وشافو إنو الطلاق الحل الوحيد بعد طفلين ... تطلقو ....
    وضل ضايع بين أطفالو إلي بعدو عنو وشي قديم بحيل بقلبو ما قدر يمسحو طول هالفترة ...

    أهلو .... حسو بالذنب ... شافو حياة ابنهم تدمرت ...
    عمرو فوق الـ 30 ورجع عزابي ... برقبتو ولدين ...
    وطول الوقت يضل شارد ...

    أهلها ... كان قلبهم يتقطع على بنتهم إلي قعد يشوفونها تكبر قدامهم وهي بالبيت ....
    ولسان الناس إلي ما كان يخلي أحد بحالو .... تعرض لهالبنت إلي انكتب كتابها وضلت فترة على ذمة رجل ...
    بعدين ترك كل شي وراح .....

    وبلحظة أهلو قرروا ينقذون حياة ابنهم .... ويلونونها من جديد ....
    راحو على أهلها وطلبوها منهم ..... ووافقو ....
    هو وهي طارو من الفرحة ....
    ومن وقت ما سمعت الخبر وأنا أفكر بيهم ...

    جد قصتهم كانت مأساوية .... يمكن ما شفتم هالشي لأني ما ذكرت شلون ودع ولادو بعد الطلاق .... ووصفلي والدمعة بعيونو شلون بنتو الصغيرة تدق على شباك السيارة وتسألو بابا إيمتا راجع ...

    لما انحط بين هالخيارين .... أهلو والإنسانة إلي حركت قلبو ...

    لما تخلى عن إرادتو ومشاعرو مشان قناعة غيرو .... ومشت عليه هالإرادة غصب عنو

    بغض النظر عن صحة رأي أي طرف من هالطرفين ... بس ممكن يكون هالشي أصعب أنواع القهر ...


    عالصعيد الشخصي ....

    هالخبر غير عندي شوية قناعات وأفكار .... عم فكر
    زادت قناعتي بهالكلمة إلي كنت أضل أسمعها : "إذا كنت تحب شي ارميه أبعد ما يكون ... وإذا ما رجع هو مو نصيبك أصلا"
    أو بالأحرى اقتنعت بيها ..... عقل الإنسان قاصر ... وأحياناً يحتاج للدليل أو التجربة ...

    وثاني شي وهو شي كبر راسي شوي .... خخخخخخ
    شفت بعيني برهان على كلمة كنت أضل أقولها للشباب :
    الحب ابتلاء
    الحب عاطفة ..... الواحد ما يتآخذ على عواطفو ..... لأنو محد يقدر يتحكم بيها .....
    هون لازم تصبر على شي انوجد فيك بدون ارادتك ... يدفعك لتصرفات ... ممكن تكون صح .. ممكن تكون غلط ......
    وهون يجي دور الصبر .... إنك ما تغلط ....
    الابتلاء يحتاج صبر ... والصبر مفتاح الفرج باذن الله ...

    بحيل فرحني هالخبر .... لأنو حالتهم كانت بحيل تحزن ....
    وإن كانت قناعتي عن الحب إنو أوسع من هالنظرة الضيقة .... لأني أحس إنو الانسان ممكن يعيش الحب
    بكل جوانب حياتو ... وبكل علاقاتو مع الناس ...

    آاااااااسف عالإطالة .... خجلان
    فشة خلق ... إحراج
    واعذروني إذا تفلسفت شوي أو اسلوبي كان ممل ....
    في عندكم أي تعليقات ؟؟؟ دكتور
    avatar
    the sun freedom
    عضو فضي
    عضو فضي

    المزاج :
    عدد المشاركات : 1176
    العمر : 28
    السنة : الرابعة

    رد: روميو وجولييت ..... بنهاية سعيدة ....

    مُساهمة من طرف the sun freedom في الإثنين أكتوبر 10, 2011 10:40 pm



    قصة مارة معي كمان انا بعرف اتنين هيك

    بس ما اتزوجو حدا تاني وضلو يستنو بعض لما صار عمرو فوق 30 وهي 28

    لحتى تزوجو وطبعا هي كان يجيها كتير خطابة من سوريا وشباب بيشتغلو برا ووضعن ممتاز بس ما رضت وحتى مرضت وساءة حالتها

    بس بالاخير متل ماقلت ان كان في نصيب رح يصير الامر

    وهلا عايشين مبسوطين وحتى صار عندهم بنت


    يسلمو سوري علقصة وهي فعلا كتير واقعية

    انا ما كتير بقتنعبالحب والتضحية بس لما بشوف هيك قصص بحس حالي خطا

    شكرا مرة تانية علقصة
    avatar
    MASA
    عضو مميز
    عضو مميز

    المزاج :
    عدد المشاركات : 4420
    العمر : 27
    السنة : رابعة

    رد: روميو وجولييت ..... بنهاية سعيدة ....

    مُساهمة من طرف MASA في الإثنين أكتوبر 10, 2011 11:18 pm

    قصة رائعة جدا حزين ..حلو انو تقراها... صعب تعيشها

    بس دايما انا بقول لازم الحب ما يكون مدمر

    وما نربط نجاحنا وفشلنا وحياتنا بانسان

    بس في ناس (وانا بعرف مثلهم) يتعلقو بالطرف الثاني

    ويجنو ويمرضو وممكن يفشلو اذا صار فراق او انتهت العلاقة

    عني بشوف هالشي غلط بس طبائع البشر تختلف

    في ناس رومانسين زيادة وقلوبهم ضعيفة مجرد ماحبو

    وفي ناس اكثر تعقل واكثر اتزان يزعلو ويحزنو بس ممكن يستمرو بالحياة

    وفي ناس جامديين(ثلاجة) الزعل ما يجاوز عندهم لحظات ويرجعو لجمودهم

    حلو الاختلاف .... حلو انو تسمع او تشوف قصص حب عظيمة مثل هي

    بس طبعا اذا الحب ممكن يكون مدمر للحياة بلاه احسن

    يسلمو السوري
    avatar
    AL3aRraB
    مشرف غرفة الدردشة
    مشرف غرفة الدردشة

    المزاج :
    عدد المشاركات : 1652
    العمر : 26
    السنة : الثانية

    رد: روميو وجولييت ..... بنهاية سعيدة ....

    مُساهمة من طرف AL3aRraB في الإثنين أكتوبر 10, 2011 11:48 pm

    أول شي أحب أقلك

    شكراً أسامة لأن تعبت حالك و كتبتلنا موضوع تا نتسلى

    ثاني شي الله لا يعطيك عافية فوق تعبك عل هالمواضيع الحبية

    ثالثاً نتطرق إلى جملة

    الحب ابتلاء
    الحب عاطفة ..... الواحد ما يتآخذ على عواطفو ..... لأنو محد يقدر يتحكم بيها .....

    ياخي الانسان الذكي يقدر يبعد عن الحب

    و يعيش مرتاح

    يعني أسع مو حرام الواحد يظيع هالسنين من عمرو أو يشرد أولادو مشان قصة حب قدييمة

    مو حرام اظل أفكر بشغلة الا تعملي مرض عقلي و نفسي و تقلب حياتي فوقاني تحتاني

    و الله يا أخوي انا أشوف انو العقل نعمة

    يتجوز وحدة و يحبها بعدين براحتو

    أريحلو و اريحلها و أضمن لويلادهم



    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    شكوت إلى وكيع سوء حفظي
    فأرشدني إلى ترك المعاصي
    و أخبرني بان العلم نور
    و نور الله لا يهدى لعاصي



    مت غيظاً أبا خرابة




    avatar
    dr.sanfoura
    مشرفة عامّة
    مشرفة عامّة

    المزاج :
    عدد المشاركات : 9569
    العمر : 25
    السنة : ثالثة

    رد: روميو وجولييت ..... بنهاية سعيدة ....

    مُساهمة من طرف dr.sanfoura في الثلاثاء أكتوبر 11, 2011 4:33 pm

    يمكن مثل هالقصة تتكرر كثيـر بحياتنا .. بعضها نسمعها ونشوفها ونعرف أبطالها وشخصياتها وبعضها نسمعها

    الاختلاف بين هالقصص راح يكون بالتفاصيـل بس ..

    صح الشي المكتـوب راح يصير .. خجلان

    بس حاليا أنا عندي قنـاعة أنو لما الواحد ما يريد يعمل شي .. صدقـا ما حدا يقدر يجبرو أنو يعملو ..

    يمكن ما قدر يقنع أهلـو أنو يخطبولو هـاي البنت .. أو البنت ما قدرت تقنع أهلها

    بس بنفس الوقـت ما بي قوة تجبرو أو تجبرها أنهم يقبلون بغير بعـض ..

    يعني بهـاي القصة .. نحنا شفنـا الجانب الإيجابي بيها .. وفرحنـا أنو اللي حبو بعض اجتمعو ..

    بس بي شي سلبي هوون .. هما ولادو اللي تركهم .. خجلان

    أنا أقيسها على أكثر من حدا أعرفو من أخوالي ولاد عمتي وولاد عمي وحتى الجيران ما بي حدا حب وحدة ما آخذها مع أنو أهلو يكونون حيــل معارضيـن لالها ..

    بس بالنهاية كلهم خضعو لإصرار ولادهـم ..

    يمكن يكون مثل هالرأي متشدد .. بس بالنهاية هما اللي راح يعيشون هالعمر مع بعض لا أبوه ولا أبوها

    ولا أمها ولا أمو .. وأنا بصراحة أفضل أنو الواحد يتصرف هيك لما ينحط بمثل هالموقف..

    بس الشي اللي يفضل أكثر وتجنبا لمعارضة الأهل أنو لما اثنين يحبون بعض يكونون أهلهم يدرون ويعرفون

    وإن شاء الله ألف مبروووك للعرسـان المستقبليين .. والله يديم المحبة بينهم .. زلغوطة

    ويسلمو السوري ع القصة .. وأسلوبك ما كان ممل أبدا .. Stupid

    تقبلو مروري وسووري ع التطويــل
    avatar
    PUSSY CAT
    عضو فضي
    عضو فضي

    المزاج :
    عدد المشاركات : 1306
    العمر : 26
    السنة : ثانيييييييييييييييييييييييييييييييية

    رد: روميو وجولييت ..... بنهاية سعيدة ....

    مُساهمة من طرف PUSSY CAT في الأربعاء أكتوبر 12, 2011 9:12 pm

    متل ما قالت سنفورة اذا كان بيحبا عنجد كتير كان فيو ما يتزوج ويضل عزابي لاهلو يرضون
    وكمان الولاد الصغار شو ذنبهن انو يعيشو باسرة مفككة
    بس اكيد قصة حلوة ورومنسية زيسلمو السوري علقصة


    ــــــــــــــــــــــــــــــــــــــــــــــــــــــــــــــــــــــــــــــــــــــــــــ

    ثق بكل العالم لكن لاتثق بلشيطان اللذي بداخلهم غمزة

      الوقت/التاريخ الآن هو الجمعة ديسمبر 15, 2017 7:59 pm